पोखरा । कास्कीको अन्नपूर्ण बेस क्याम्प (एबिसी) बाट पोखरा फर्किने क्रममा हिम पहिरोमा बेपत्ता चिनिया नागरिकको शव फेला परेको छ । २७ वर्षीय (chengyuane) गत चैत ११ गतेदेखि बेपत्ता भएका थिए । उनी अन्नपूर्ण गाउँपालिका वडा नम्बर ११ स्थित देउराली नजिकै बेपत्ता भएका थिए ।

सशस्त्र प्रहरी बल कालिका गणका गणपति सशस्त्र प्रहरी उपरीक्षक सूर्य तिमिल्सेनाका अनुसार शनिबार उहाँको शव फेला परेको हो । उनको खोजीमा नेपाल प्रहरीको साथै कालिका गणका सशस्त्र प्रहरी निरीक्षक विश्वराज त्रिपाठीको कमाण्डमा विपद् व्यवस्थापन टोली खटिएको थियो ।
सशस्त्र प्रहरीको टोलीले उनको शव फेला पारेको हो । बेपत्ताका आफन्त र चिनिया राजदूतावासका कर्मचारी पनि घटनास्थल पुगेको थिए । उनको खोजीमा हेलिकप्टर पनि प्रयोग गरिएको थियो ।