पोखरा ।
नेपाली काँग्रेस पोखरा २८ का नेता एंव तत्कालीन माझठानाका गा वि स का पुर्व उपाध्यक्ष टिकाराम लामिछानेको सम्झनामा शोकसभा गरिएको छ ।
नेपाली काँग्रेस पोखरा २८ समितिको आयोजनामा लामिछानेको निवास माझठाना लामिछाने गाँउमा आयोजना गरिएको शोकसभा कार्यक्रममा पुर्व मन्त्री तथा पार्टीका पुर्व जिल्ला सभापति यज्ञ बहादुर थापाले स्वर्गिय लामिछानेले पार्टी प्रति योगदान दिई पार्टी कार्यमा सदैव क्रियाशिल रहेकाले पार्टीले उनका कार्यको मुल्याङ्कन गर्नुपर्ने बताए । पुर्व जिल्ला सभापति कृष्ण केसीले लामिछानेको असामयिक निधनले सिङ्गो पार्टी शोकाकुल भएको बताए । स्वर्गिय लामिछानेको जिवनी माथि प्रकाश पार्दे पोखरा २८ का वडा अध्यक्ष तथा नेपाली काग्रेस गण्डकी प्रदेशका आमन्त्रित सदस्य श्रीकृष्ण लामिछानेले स्वर्गीय टिकाराम लामिछानेले पार्टी प्रति गरेको कामको मूल्याङ्कन गर्नुपर्ने र परिवारको ख्याल गर्नु पार्टीको दायित्वमा रहेको बताए ।

स्वर्गीय टिकाराम लामिछाने

नेपाली काग्रेस पोखरा २८ का सभापति विश्वरमण अधिकारीको अध्यक्षता भएको शोकसभा कार्यक्रममा महासमिति सदस्यहरु सुदिपमाेहन भट्टराई, दिपक गुरुङ , क्षेत्रीय सभापति राजेन्द्र लामिछाने महादिवेशन प्रतिनिधिहरु गिरिराज गाैतम ,निशा मल्ल ठकुरि, जिल्ला सचिव देवेन्र्द रानाभाट,भानु ढकाल पुर्व महादिवेशन प्रतिनिधि विर बहादुर वुढाथाेकी महासमिति सदस्य विकाश लामा गुरुङ लगाएतले स्वर्गीय लामिछाने पार्टीको वफादार कार्यकर्ता रहेको बताए ।

२००३ साल भदौ ५ गते साबिक माझठाना गा बि स ९ हाल पोखरा महानगरपालिका वडा न २८ लामिछाने गाँउमा जन्मीएका लामिछाने राजनितीज्ञ तथा सामाजिक व्यक्तित्वका रुपमा कास्की जिल्ला लगाएत यस क्षेत्रमा चर्चित रहेका थिए । उनको चैत १६ गते मनिपाल शिक्षण अस्पतालमा उपचारका क्रममा ७८ बर्षको उमेरमा असामयिक निधन भएकाे थियो । लामिछानेका एक श्रीमती दुई छोरा र चार छोरी रहेका छन् ।
उक्त शोकसभा कार्यक्रम सन्चालन नेपाली काग्रेस वडा ईकाइ सचिव जीवन तिवारीले गरेका थिए ।