पोखरा । पोखरा महोत्सवको लागि स्टल बुकिङ खुल्ला गरिएको छ । युनाइटेड क्लबको आयोजनामा आगामी पुसको २५ देखि माघको ७ गतेसम्म पोखराको अमरसिंहचौरमा आयोजना हुने १३ औं संस्करणको पोखरा महोत्सवका लागि स्टल बुकिङ खुल्ला गरिएको हो ।

महोत्सव सम्पन्न गर्न आयोजित विभिन्न उपसमिति संयोजक तथा महोत्सव सल्लाहकारहरुको बैठकको निर्णय अनुसार महोत्सव आयोजक युनाइटेड क्लबले महोत्सवको स्टल पुस १ गते दिनको दुई बजे देखि स्टल बुकिङ खुल्ला गरिएको महोत्सव प्रचार प्रसार संयोजक दिनेश सुनारले जानकारी दिए ।

महोत्सवमा विशेष गरी पर्यटन, कृषि, अटो लगायतका स्टलहरुलाई विशेष छुट प्रदान गरिने महोत्सवका अर्थ तथा स्टल व्यवस्थापन उपसमिति संयोजक जयराम आचार्यले जानकारी दिए । स्टल बुकिङका लागि युनाइटेड क्लबको कार्यालय शान्तिपथ पोखरा १० अमरसिंहमा सम्पर्क गर्नुपर्ने महोत्सव सचिवालय उपसमिति संयोजक सुकबहादुर गुरुङले जानकारी दिए ।