पोखरा । प्लाष्टिकजन्य माला, फूल गुच्छाको उत्पादन आयात र बिक्री वितरणमा पोखरा महानगरपालिकाले रोक लगाएको छ । महानगरपालिका उपभोक्ता हित संरक्षण समितिको नेतृत्वमा पोखराका प्लाष्टिकजन्य फूलका माला र फूलका गुच्छा बिक्री गर्ने ८ वटा पसलहरुमा अनुगमन गरेको हो । नेपाल सरकार वन तथा वातावरण मन्त्रालय अन्तर्गत वातावरण विभागले प्लाष्टिकजन्य फूलकाे गुच्छाको उत्पादन आयात, बिक्री वितरण वा भण्डारण गर्न प्रतिबन्ध गरेको छ ।

वि.स. २०७९ साउन १२ गतेबाट राजपत्रमा सूचना प्रकाशन गरी सोही मितिदेखि प्लाष्टिकजन्य पूूmलगुुच्छाको उत्पादन, आयात र बिक्री वितरणमा पूूर्णरुपमा रोक लगाउने निर्णय गरेको थियो । सोही निर्णयलाई कार्यान्वयन गर्दै पोखरा महानगरले विगत तीन वर्षदेखि पोखरामा प्लाष्टिकजन्य फूलगुुच्छा,माला बिक्री वितरणमा रोक लगाएको छ । महानगरले प्रतिबन्धित प्लाष्टिकजन्य सामग्री बिक्री गर्ने पसलहरुमा अनुुगमन गरेको हो । नेपालीहरुको दोस्रो ठूलो चाड तिहारमा प्लाष्टिकका पूूmल र माला बढी आयात हुने र बिक्री वितरण हुने भएकाले अनुुगमन गरिएको पोखरा महानगरपालिका सहकारी तथा उद्योग शाखा प्रमुुख एवं अनुुगमन समितिका सदस्यसचिव अनिल कार्कीले जानकारी दिए ।

अनुुगमनका क्रममा ८ पसलबाट ३० हजार मूल्य बराबरको प्लाष्टिकजन्य फूलका गुुुच्छा र माला जफत गरिएको छ भने संचालकहरुलाई एक साताभित्र पोखरा महानगरमा उपस्थित हुन निर्देशन दिइएको छ । पोखरा वडा नम्बर ९ मा रहेको पुष्पराज प्लावर एन्ड ब्याडिङ सप, सृष्टि फ्लावर, गढीमाई टेन्ट हाउस, पोखरा ४ मा रहेको एनएस फोटो फ्रेम एन्ड गिफ्ट कलेक्सन, गणेश पूजा सामग्री भण्डार, महाकाली पूजा सामग्री भण्डार र पोखरा ८ को एभरग्रिन फ्लावर सपमा अनुुगमन गरिएको सहकारी उद्योग शाखाका अधिकृत ऋषिराम सापकोटाले जानकारी दिए ।

प्लाष्टिकजन्य पूmलका माला बिक्री वितरणमा गरिएको अनुुगमन प्रभावकारी देखिएको पोखरा महानगर आर्थिक विकास महाशाखा प्रमुुख मनहर कडरियाले बताए । उनले लगातर तेस्रो वर्षपनि अनुुगमन गर्दा विगतमा जस्तो प्लाष्टिका फूल र माला कम भएको बताउदै अनुुगमन प्रभावकारी देखिएको बताए । उनले नेपाल सरकारले प्रतिबन्ध लगाएपछि पोखरामा पूर्ण रुपमा रोक लगाइएको र अनुुगमनले व्यवसायीहरुपनि सचेत भएकाले प्लाष्टिकजन्य पुुष्पगुुच्छा र माला आयातमा कमी आएको बताए ।

वातावरण संरक्षण ऐनको तफा २२ को उपदफा (४) को खण्ड (क) वा (ख) बमोजिम वातावरण निरीक्षकबाट रु. १५ हजारदेखि २० हजारसम्म जरिवाना हुने र सोही ऐनको दफा ४१ को उपदफा (२) बमोजिम विभागका महानिर्देशकबाट १ लाखसम्म जरिवाना हुुन सक्ने व्यवस्था ऐनमा रहेको छ । महानगरले गत वर्ष १ लाख ९ हजार ९ सय १० रुपैयाँ बराबरको फूलका माला जफत गरिएको सहकारी उद्योग शाखाका अधिकृत ऋषिराम सापकोटाले जानकारी दिए ।

अनुुगमनमा पोखरा महानगर आर्थिक विकास महाशाखा प्रमुुख मनोहर कडरिया, महानगरका प्रशासन महाशाखा प्रमुुख कृष्णप्रसाद तिवारी, पोखरा महानगर सहकारी तथा उद्योग शाखा प्रमुुख अनील कार्की, सहकारी तथा उद्योग शाखा अधिकृत ऋषिराम सापकोटा, सहकारी तथा उद्योग शाखाका राजुु सुवेदी, राष्ट्रिय उपभोक्ता मञ्च पोखरा महानगरस्तरीय समितिका उपाध्यक्ष हुुमनाथ अधिकारी, पत्रकार र नगर प्रहरीको सहभागीता रहेको थियो ।