काठमाडौं । साफ महिला च्याम्पियनसिप २०२४ मा अन्तर्गत आज भएको पहिलो खेलमा श्रीलंका विजयी भएको छ । श्रीलंकाले माल्दिभ्सलाई १-०  गोलले पराजित गरेको हो ।

दशरथ रंगशालामा शुक्रबार सम्पन्न समूह बी को खेलमा श्रीलंकाको जितमा इमेशा वार्नाकलासुरियाले पहिलो हाफमा गरेको गोल नै निर्णायक सावित रह्यो । यससँगै श्रीलंकाले समूहमा ३ अंक जोडेको छ ।

यसै समूहमा आज साँझ ५ः४० बजे नेपाल र भुटान खेल्नेछन् । हिजो भएको उद्घाटन खेलमा भारतले पाकिस्तानलाई पराजित गरेको छ ।