श्रीलंकालाई हराउँदै इरान काभा महिला भलिबल नेशन्स लिगमा तेस्रो भएको छ।

काठमाण्डौको त्रिपुरेश्वरमा रहेको राष्ट्रिय खेलकुद परिषद् (राखेप) को कभर्डहलमा आज (बुधबार) भएको तेस्रो स्थानको प्रतिस्पर्धामा इरानले श्रीलंकालाई ३–० को सोझो सेटमा हरायो।

इरानले पहिलो सेट २५–२२, दोस्रो सेट २८–२६ र तेस्रो सेट २५–१७ ले हरायो।

काभा महिला भलिबलको उपाधिका लागि अहिले बेलुकी सवा ५ बजे नेपाल र भारत खेल्दैछन्।

नेपाल इरानलाई हराउँदै र भारत श्रीलंकालाई हराउँदै फाइनलमा पुगेका हुन्।