मकवानपुर । मकवानपुरको इन्द्रसरोबर गाउँपालिका–३ मा रहेका युथ–१४ क्याम्पका ६ जना खेलाडी सम्पर्कबिहीन भएका छन् । अखिल नेपाल फुटबल संघ (एन्फा)ले एन्फा स्थानीय वत्सला माविमा होस्टलसहित आवासीय व्यवस्था गरी दैनिक प्रशिक्षणमा राखिएका ३७ जना खेलाडीमध्ये ६ जना सम्पर्कबिहीन भएका हुन् ।

आज बिहान करिब ६ बजेको समयमा अविरल वर्षासँगै सुरक्षित स्थानमा खेलाडीलाई सार्न खोज्दा उनीहरु पहिरोमा पुरिएको आशंका छ ।
बेपत्ता विद्यार्थीहरुमा अनुप घलान मकवानपरु, आदित्य वलम्पाकी सर्लाही, रियान्स आचार्य, काठमाडौं, सुमन योन्जन मकवानपुर, विकल रेग्मी, निजगढ, दिवस बानियाँ मकवानपुर रहेका छन ।

मकवानपुरका प्रहरीका अनुसार उक्त स्थानमा प्रहरी र सशस्त्र प्रहरीको टोली परिचालन गरेपनि खोला तर्नुपर्नेहुँदा समस्या भइरहेको छ ।