अमेरिकी माथिल्लो सदन सिनेटले पनि टिकटकलाई रोक लगाउनेसम्बन्धी विधेयक पास गरेको छ।

तल्लो सदन कँग्रेसले गएको शनिबार नै सोसम्बन्धी विधेयक पास गरेको थियो।

यो विधेयकले टिकटकको संचालक कम्पनी बाइटडान्सलाई यसको हिस्सेदारी बेच्न समय दिएको छ।

यदि, बिक्री नगरेमा ९ महिनापछि अमेरिकामा टिकटकमाथि प्रतिबन्ध लाग्नेछ।

सो विधेयक राष्ट्रपति जो बाइडेनले हस्ताक्षर गरेपछि कानुन बन्नेछ।

त्यो अवस्थामा बाइटडान्सले चिनियाँ अधिकारीहरूसँग त्यसको बिक्रीसम्बन्धी अनुमति लिनुपर्नेछ।

त्यसको विरुद्धमा बेइजिङ रहेको छ।

विश्लेषकहरूका अनुसार यो प्रक्रियाले लामो समय लिन सक्नेछ।

यससम्बन्धी मंगलबार भएको मतदानका क्रममा ७९ जना सिनेटरले पक्षमा मतदान गरे।

उता, १८ जनाले विपक्षमा मतदान गरेका थिए।

‘हामीले वर्षौंसम्म चिनियाँ कम्युनिस्ट पार्टीलाई अमेरिकामा एउटा धेरै पपुलर एप्सको नियन्त्रण गर्न दियौं।

त्यो खतरनाक रूपमा अदूरदर्शी काम थियो’, रिपब्लिकन सिनेटर मार्को रुबियोले इन्टेलिजेन्स कमिटीमा भनेका थिए।

‘यसको एप बिक्री गर्न चिनियाँ मालिकलाई नयाँ कानुनको आवश्यकता पर्नेछ, यो अमेरिकाका लागि राम्रो पक्ष हो’, उनले भनेका छन्।

बीबीसीमा समाचार छ ।