केपी ओली क्रिकेट कपमा स्याङ्जा र काठमाडौको विजयी सुरुवात

केपी ओली क्रिकेट कपमा स्याङ्जा र काठमाडौको विजयी सुरुवात

kp oli cup first day photo

पोखरा । पोखरामा शनिबारदेखि सुरु भएको केपी ओली कप टि–२० राष्ट्रिय खुल्ला पुरुष क्रिकेटमा स्याङ्जा र काठमाडौं विजयी भएका छन् । पहिलो खेलमा स्याङ्जा क्रिकेट क्लबले पोखरा महानगर क्रिकेट क्लबलाई २३ रनले हराएको हो । १ सय ६२ रनको लक्ष्य पाएको स्याङ्जाले १ सय ३८ रनमा पोखरालाई रोकेर विजयी सुरुवात गरेहो हो । पोखराले २० ओभरमा ८ विकेट गुमाउँदै १ सय ३८ रन मात्रै जोड्न सक्यो । स्याङ्जाले २० ओभरमा ६ विकेट गुमाउँदै १ सय ६१ रन बनाएको थियो ।

दोस्रो खेलमा काठमाडौंले हेटौडालाई ११ रनले हरायो । १ सय ५२ रनको लक्ष्य पाएको हेटौडा २० ओभरमा १ सय ४० रनमै अलआउट हुन पुग्यो । टस जितेर ब्याटिङ थालेको सिइसी काठमाडौंले २० ओभरमा ३ विकेट गुमाउँदै १ सय ५१ रन बनायो ।

मदन भण्डारी स्पोर्टस् एकेडेमीको आयोजनमा सुरु भएको क्रिकेटमा १६ टिमको सहभागिता रहेको छ । वैशाख ५ गते सम्म सञ्चालन हुने प्रतियोगिताको विजेता टिमले नगद १० लाख र उपविजेताले नगद ५ लाखका साथमा ट्रफी, मेडल तथा प्रमाणपत्र प्राप्त गर्नेछन् । म्यान अफ दी सिरिजले नगद ३० हजार, बेष्ट बलर, बेष्ट ब्याटरले जनही नगद रु १० हजार र म्यान अफ दी म्याचले नगद ५ हजारका साथमा ट्रफी प्राप्त गर्नेछन् । प्रतियोगिता लिग कम नकाउटका आधारमा खेलाइनेछ । पोखरामै भएको पहिलो संस्करणको उपाधि मधेश प्रदेशले जितेको थियो ।

प्रतिक्रिया