पोखरा । कास्की प्रहरीले लागु औषधसहित ३ जनालाई पक्राउ गरेको छ । जिल्ला प्रहरी कार्यालय कास्की र लागू औषध नियन्त्रण ब्युरो शाखा कार्यालय पोखराबाट खटिएको संयुक्त प्रहरी टोलिले म्याग्दी घर भई पोखरा ११ रानी पौवा बस्ने वर्ष २६ की एलिना सोतोन्जा पुन, माछापुच्छ्रे गाउँपालिका वडा नं ३ बस्ने वर्ष ४१ को सार्जन गुरुङ र सोही ठाउँ वडा नं ६ बस्ने वर्ष ३० को सुजन गुरुङलाई पक्राउ गरेको हो ।

लागू औषध खैरो हेरोइन ब्राउन सुगर जस्तो देखिने धुलो पदार्थ ३ सय ४० मिलिग्राम, लागू औषध बुप्रिनर्फिन १४४ एम्पुल, डाइजापाम १४३ एम्पुल, फेनरागन १४२ एम्पुल गरी जम्मा ४२९ एम्पुल र मोबाइल ४ थान बरामद भएको प्रहरीले बताएको छ । उनीहरुलाई कास्की जिल्ला अदालतबाट लागू औषध सम्बन्धी मुद्दामा सात दिन म्याद थप गरी अनुसन्धान अगाडि बढेको प्रहरीले बताएको छ ।