बारा । बारामा एक जनाको हत्या भएको छ । अज्ञात समूहले बारामा धारिलो हतियार प्रयोग गरी महागढीमाई नगरपालिका–१ का ५५ वर्षीय नारायण यादवको शनिबार हत्या गरेको बारा प्रहरीले जानकारी दिएको छ । गम्भीर घाइते अवस्थामा बटुवाले देखेपछि घटनाबारे प्रहरीलाई खबर गरेका थिए ।
गम्भीर घाइते यादवलाई प्रहरीले उपचारका लागि प्रादेशिक अस्पताल भर्ना गरेको थियो । उनको उपचारका क्रममा मृत्यु भएको हो । यादवको हत्याबारे केही खुल्न नसकेको र यस विषयमा अनुसन्धान भइरहेको प्रहरीले जनाएको छ ।