काठमाडौं । शुक्रबार र शनिबार परेको अविरल वर्षापछिको बाढीपहिरोमा परी मृत्यु हुनेको संख्या २ सय २८ पुगेको छ । २५ जना अझै बेपत्ता छन् भने अन्य १ सय ५८ जना घाइते भएको गृह मन्त्रालयले जानकराी दिएको छ ।

मन्त्रालयका अनुसार हालसम्म बाढीपहिरो प्रभावित क्षेत्रबाट १३ हजार ७१ जनाको उद्धार गरिएको छ भने खोज, उद्धार र सहायता परिचालन गरिएको छ ।

प्रभावितलाई खाद्यान्न लगायत राहत सामग्री प्रदान गरिनाका साथै घाइतेको निःशुल्क उपचार भइरहेको छ । सरकारले उद्धार र राहतलाई उच्च प्राथमिकता दिएको र यातायात सञ्चालन गर्न अवरुद्ध राजमार्ग सञ्चालनको प्रयास भइरहेको बताएको छ ।