मंगलबार, १९ चैत २०८१
मंगलबार, १९ चैत २०८१
पोखरा ९ असोज । पर्यटकीय राजधानी पोखरामा विविध कार्यक्रम गरी विश्व पर्यटन दिवस मनाइने भएको छ । विश्व पर्यटन दिवसको अवसरमा आज संघीयसहित सातै प्रदेशका पर्यटन मन्त्रीको भेला हुँदैछ । सघीय मन्त्रीसहित सबै प्रदेशका मन्त्री मंगलबार साँझसम्म पोखरा आइपुगेको गण्डकी प्रदेशका पर्यटन सचिव कुमानसिंह गुरुङले जानकारी दिए । मन्त्रीहरुकाे भेला लेकसाइडस्थित टिका रिसाेर्टमा हुन लागेकाे हाे ।
बुधबार बिहान नेपाल सरकारका पर्यटन मन्त्री बद्रीप्रसाद पाण्डेको अध्यक्षतामा सातवटै प्रदेशका पर्यटन मन्त्रीहरू सम्मिलित विषयगत समितिको बैठक बस्ने भएको छ । बुधबार दिउँसो गण्डकी प्रदेशका पर्यटन मन्त्रीको अध्यक्षतामा संघीय मन्त्री, मुख्यमन्त्री र सबै प्रदेशका पर्यटन मन्त्री एवम् पर्यटनसम्बद्ध संघ, संस्थाका प्रतिनिधिको सहभागितामा ‘पोखरा पर्यटन राजधानी नीति संवाद’ कार्यक्रम पनि हुँदैछ । संघीय पर्यटनमन्त्री र गण्डकी प्रदेशका मुख्यमन्त्रीले सम्बोधन गर्ने कार्यक्रममा पोखरा पर्यटन परिषद्, पोखरा महानगरपालिका र गण्डकी प्रदेश सरकारका तर्फबाट कार्यपत्रसमेत प्रस्तुत गरिनेछ ।
आगामी २७ सेप्टेम्बरलाई विश्व पर्यटन दिवसरुपमा मनाइँदैछ विश्व पर्यटन दिवसमा पोखरामा आधा दर्जन बढी कार्यक्रम हुने भएका छन् । ४५ औं विश्व पर्यटन दिवसको नारा टुरिजम एन्ड पिस (पर्यटन र शान्ति) रहेको छ । पर्यटन व्यवसायीहरुको छाता संगठन पोखरा पर्यटन परिषद् आयोजनामा विविध कार्यक्रम हुने भएको छ । यसमा गण्डकी प्रदेश सरकार, उद्योग तथा पर्यटन मन्त्रालय, पोखरा महानगरपालिकाले सहकार्य गर्नेछन् भने नेपाल पर्यटन बोर्ड गण्डकी प्रदेश प्रवद्र्धक छ ।
परिषद् आयोजनामा ९–१२ असोजसम्म विभिन्न कार्यक्रम हुने परिषद् अध्यक्ष तारानाथ पहारीले पत्रकार सम्मेलनमा जानकारी दिए । उनका अनुसार दिवस अवसरमा नीति संवाद, घरबास कार्यक्रम, पदयात्रा, र्याली, रक्तदान, टक सो, पर्यटकलाई सम्मान, पर्वतीय दौड प्रतियोगिता हुँदै छन् । असोज ९ गते पोखरा १९ स्थित रिन्ने नासा होमस्टेमा घरबास कार्यक्रम पनि हुनेछ । १० असोजमा टान गण्डकी आयोजनामा पोखरा–मोरिया–लप्सीबोट–भुकदेउरालीसम्मको पदयात्रा हुनेछ ।
दिवसको मुख्य दिन ११ असोजमा रेबान पोखरा आयोजनामा ‘मिनी सडक महोत्सव’ आयोजना गरिने परिषद् अध्यक्ष पहारीले जानकारी दिए । बेलुका साढे ४ बजेबाट अम्बोटदेखि वाराहीचोकसम्म महोत्सव हुनेछ । सोही दिन बिहान पोखरा अन्तर्राष्ट्रिय विमानस्थल र पर्यटक बसपार्कमा पहिला आउने पर्यटकलाई सम्मान गरिनेछ । नाट्टा गण्डकी आयोजनामा पोखरा–६ स्थित नारेश्वर चोकमा रक्तदान कार्यक्रम हुनेछ । पोखरा पर्यटन परिषद् आयोजनामा ‘पर्यटन र शान्त’ शीर्षकमा ‘टक सो’ हुनेछ । १२ असोजमा पोखरा क्लिकको आयोजना र पोखरा पर्यटन परिषद् सहकार्यमा पोखरा–२२ स्थित शान्ति स्तुप र बुद्धपार्क जोड्ने गरी पर्वतीय दौड हुनेछ ।
हिमपहिरोमा ९ दिनदेखि चिनिया नागरिक बेपत्ता
चैत १९, २०८१सहकारी दिवसको अवसरमा पामे बजार सरसफाइ
चैत १९, २०८१फेवा महोत्सवलाई आमा समूह र संघसंस्थाको साथ
चैत १९, २०८१पाल्पाली समाज पोखरामा श्रीधर पराजुली
चैत १८, २०८१
