गण्डकी प्रदेश सरकारमा थप मन्त्रीमण्डल विस्तार गरिएको छ।

गण्डकी प्रदेशका मुख्यमन्त्री खगराज अधिकारीले मन्त्रीपरिषद् विस्तार गरेका हुन्।

उनले आज मन्त्री सीता सुन्दास र वेदबहादुर गुरुङ ‘श्याम’लाई मन्त्रीमा नियुक्त गरेका हुन्।

उनीहरु अधिकारी नेतृत्वको यसअघिको मन्त्री परिषद्मा पनि मन्त्री थिए।

सीताले सामाजिक विकास तथा स्वास्थ्य र बेदबहादुरले ऊर्जा, जलस्रोत तथा खानेपानी मन्त्रालयको जिम्मेवारी पाएका छन्।

नवनियुक्त मन्त्रीले आज (सोमबार) प्रदेश प्रमुख डिल्लीराज भट्टबाट शपथसमेत लिएका छन्।

योसँगै अधिकारीको मन्त्रीपरिषद् ५ सदस्यीय बनेको छ।

यसअघि, हरिबहादुर चुमान र दीपक मनाङे मन्त्री नियुक्त भएका थिए।

ठीक एक महिना अघि मुख्यमन्त्री नियुक्त भएका अधिकारीले आइतबार विश्वासको मत लिएका थिए।

विश्वासको मत लिएसँगै अधिकारीले मन्त्रीपरिषद् विस्तार गरेका हुन्।