पोखरा । पोखराको हेम्जामा भएको सवारी दुर्घटनामा एक जनाको मृत्यु भएको छ । घान्द्रुकबाट पोखरातर्फ आँउदै गरेको ग २ ख १४६० नं. को ट्रकले जेब्रा क्रसबाट बाटो काट्ने क्रममा पैदल यात्री जिल्ला पूर्वी रूकुम घर भई याम्दी बस्ने वर्ष ५५ की धन कुमारी बुढालाई ठक्कर दिएको प्रहरीले बताएको छ ।

ट्रकको ठक्करबाट घाइते भएकी उनलाई उपचारको लागि मणिपाल शिक्षण अस्पताल लगिएको चिकित्सकले मृत घोषण गरेको थिए । उक्त सवारी साधन र सवारी चालक जिल्ला पाँचथर फाल्गुनन्द गा.पा. वडा नं. ३ स्थायी ठेगाना भई  पोखरा १ बगर बस्ने वर्ष ४५ को पृथीप्रसाद तामाङलाई नियन्त्रणमा लिई थप अनुसन्धान कार्य अगाडि बढेको प्रहरीले बताएको छ ।