काठमाडौंं । काठमाडौंको दशरथ रंगशालामा जारी महिला साफ च्याम्पियनसिपको समूह ए अन्तर्गत आज साविक विजेता बंगालादेश र पाकिस्तानबीच खेल हुँदैछ ।

खेल साँझ ५ः३० बजे सुरु हुनेछ । पहिलो खेल भारतसँग ५–२ ले गुमाएको पाकिस्तानको समूह चरणमा यो अन्तिम खेल हो । आजको खेलमा पनि पराजित भएको अवस्थामा पाकिस्तान प्रतियोगिताबाट बाहिरिने पहिलो टोली बन्नेछ । त्यसैले पाकिस्तानले अन्तिम मौकालाई खेर जान नदिन हरसम्भव प्रयास गर्नेछ ।

पाकिस्तानले आजको खेलमा जिते वा बराबरी गरेको अवस्थामा सेमिफाइनल समिकरणका लागि समूहको अन्तिम खेलको नतिजा पर्खनुपर्ने हुन्छ ।