पोखरा । पोखराको बुद्धचोकमा रहेको एक जुत्ता पसलमा आगलागी भएको छ । द स्केट पार्क प्रालिमा सोमबार राति आगलागी भएको हो । जिल्ला प्रहरी कार्यालय कास्कीका अनुसार राति सवा ८ बजेतिर सुरु भएको आगो दमकल, स्थानीय र प्रहरीको सहयोगमा ९ बजे नियन्त्रणमा आएको थियो ।

फलामे ट्रस र जस्ता पाताले बनेको बाँसले बारेको द स्केट पार्क प्रालिमा अचनाक बिद्युत लाइन सर्ट भई आगलागी भएको जिल्ला प्रहरी कार्यालय कास्कीका प्रवक्ता वसन्तकुमार शर्माले जानकारी दिए ।

पोखरा जिरो किमीका कृष्ण ढकाल र चाउथे बस्ने अनिल ढकालले संयुक्त रुपमा सञ्चालन गरेको पसलमा आगलागी हुँदा स्केट जुत्ता ६ सय ५० थान, कम्प्युटर ३ थान, ४३ इन्चको टिभी, जेनेरेटर, इन्भटर ब्याट्री, सिसिक्यामेरा मोनिटरसहित ८ आठ वटा र स्केट जुत्ताका पार्टस जलेको शर्माले बताए ।