अमेरिकाले क्याथोलिक रिलिफ सर्भिसेससँगको विश्वव्यापी सहकार्यअन्तर्गत उक्त रकम उपलब्ध गराउने भएको हो । सहयोगबाट बाढी प्रभावित समुदायका लागि आपत्कालीन आश्रय, राहत सामग्री तथा खानेपानी, सरसफाइ र स्वच्छतासम्बन्धी सहायता उपलब्ध गराइने अमेरिकी विदेश मन्त्रालयले जनाएको छ । अमेरिकी दूतावास काठमाडौंले प्रभावित क्षेत्रमा रहेका अमेरिकी नागरिकको अवस्थाबारे जानकारी लिन तथा आवश्यक सहयोग उपलब्ध गराउन स्थानीय अधिकारीसँग समन्वय गरिरहेको जनाएको छ ।

बाढी प्रभावित क्षेत्रमा रहेका अमेरिकी नागरिकलाई स्थानीय समाचारको निगरानी गर्न, स्थानीय प्रशासनको निर्देशन पालना गर्न र सुरक्षा तथा आपत्कालीन सूचना प्राप्त गर्न स्मार्ट ट्राभलर इन्रोलमेन्ट प्रोग्राम (एसटीईपी) मा आबद्ध हुन दूतावासले आग्रह गरेको छ । नेपालमा रहेका परिवारका सदस्यबारे जानकारी लिन चाहने अमेरिकी नागरिकले अमेरिकाबाट टोल फ्री नम्बर १-८८८-४०७-४७४७ तथा अन्य स्थानबाट १-२०२-५०१-४४४४ मा सम्पर्क गर्न सक्ने दूतावासले जनाएको छ ।