पोखरा । सञ्चालन भएको करिब २ वर्षमा छिमेकी देश भारतबाट पोखरा अन्तर्राष्ट्रिय विमानस्थलमा पहिलो पटक आज चार्टर्ड उडान हुँदैछ । पोखरा विमानस्थलका सूचना अधिकारी जशोदा सुवेदीका अनुसार दिल्लीबाट आज जेल एयर (Zell air) को बिमान पोखरा आउन लागेको हो ।

पाइभेट सिंगल इन्जिन जेट बिमान आज साँझ ६ बजे पोखरा विमनस्थलमा अवतरणको तालिका छ । चार यात्रु लिएर आउने बिमान भोलि बिहान पोखराबाट बंगालादेशका लागि उडने सुवेदीले बताइन्। दुई वर्षको अवधिमा आजसहित ७ वटा अन्तर्राष्ट्रिय  उडान हुने छन् । आगामी डिसेम्बर २६ मा पनि चिनबाट चार्टर्ड उडान हुने भएको छ ।