पृथ्वीराज मार्गको पोखरादेखि मुग्लिङ खण्ड अहिले विस्तारको क्रममा छ । दुई खण्डमा विभाजन गरी काम भइरहेको छ । जुन गतिमा काम हुनुपर्ने हो त्यो गतिमा काम नहुँमा तोकिएको समयमा काम पूरा भएन । काम पूरा नभएपछि अहिले म्याद थपिएको छ । पोखराको शिवचोकदेखि पूर्वतर्फ सडक विस्तारको काम भइरहेको छ ।

सडक विस्तार कामसँगै दिनहुँ सयौं सवारी आवतजावतले प्रदूषण बढेको छ । प्रदूषण मात्र बढेको छैन । विस्तारको काम गर्न सडक भत्काएपछि सडक जाम समेत हुने गरेको छ । पोखराको विजयपुल, चाउथे क्षेत्रमा दिनहूँ जसो सडक जाम हुने गरेको छ । २/३ किमी सडक पार गर्न घण्टा लाग्ने गरेको छ । बुधबार अपराह्नतिर पनि पोखराको चाउथेमा केही बेर जाम भयो । जसले गर्दा जनताले सास्ती व्यर्हाेनु परेको छ ।