रौतहट । सशस्त्र प्रहरीले पेस्तोलसहित एक जना भारतीय नागरिकलाई रौतहटबाट नियन्त्रणमा लिएको छ । राजदेवी नगरपालिका–९ ब्रहमपुरीबाट ४२ वर्षीय राजेश सिंहलाई आज दिउँसो पक्राउ परेका हुन् ।

भिनाजु नाता पर्ने संजिव सिंहको भट्टी पसलबाट उनलाई सशस्त्रको बेलविछवा बीओपीको टोलीले नियन्त्रणमा लिएको हो । उनको साथबाट एउटा कुवा पेस्तोलसहित त्यसमा लाग्ने तीन राउण्ड गोली र एउटा खोका बरामद भएको छ । पक्राउ परेका उनलाई नेपाल प्रहरीको जिम्मा लगाएको छ ।