पोखरा । कास्की प्रहरीले लागु औषध सहित १ जनालाई  पक्राउ गरेको छ । वडा प्रहरी कार्यालय बगर कास्कीबाट खटिएको प्रहरी टोलीले सवारी साधन जाँच गर्ने क्रममा पोखरा महानगरपालिका वडा नं. १३ मियाँपाटन बस्ने वर्ष ३७ को अक्रम मियाँ पक्राउ परेका हुन् ।

उनले चलाउँदै आएको ग २४ प ५७७९ नम्बरको स्कुटर रोकी जाँच गर्दा निजको साथबाट Nitrazepam Tablets Ip 10mg NITRAVET लेखिएको लागुऔषध १५० चक्की, विभिन्न कम्पनीका मोबाइ ४ थान, नगद रु.३६, हजार  र विभिन्न बैंकका चेक प्रहरीले बरामद गरेको छ ।

उनलाई लागू औषध सम्बन्धी मुद्दामा कास्की जिल्ला अदालतको स्वीकृत अनुमतिले अनुसन्धान अगाडि बढेको जिल्ला प्रहरी कार्यालय कास्कीले जानकारी दिएको छ ।