पोखरा । चोरी गरी फरार रहेका ३ जनालाई कास्की प्रहरीले पक्राउ गरेको छ । पोखरा महानगरपालिका वडा न.३१ बेगनास गैह्राघर बस्ने वर्ष ७९ का वेदुनाथ अधिकारीको घरमा ३ जना नकावधारीले धारिलो हतियार खुकुरी देखाई निजको श्रीमतीलाई कुटपिट तथा लछारपछार गरी सुनका गरगहना चोरी गर्नेलाई प्रहरीले पक्राउ गरेको हो ।

तनहुँ रिसिंङ गा.पा. वडा नं. २ काउँशिवपुर स्थायी घर भई हाल पोखरा महानगरपालिका वडा नं.१५ रामबजार बस्ने वर्ष ३७ को मोहन भन्ने मधु सिंङ थापा मगर, बाग्लुङ बडीगाड गा.पा. ३ तमान स्थायी घर भई पोखरा म.न.पा. वडा नं. ६ लेकसाईड बस्ने वर्ष ३८ को प्रकाश थापा र  रोल्पा थवाङ गा.पा. वडा नं. ३ स्थायी घर भई पोखरा म.न.पा. वडा नं. ५ मालेपाटन बस्ने वर्ष ३२ को गोपाल नेपाली पक्राउ परेको प्रहरीले जानकारी दिएको छ ।

उनीहरुले अधिकारीको श्रीमतीको औंठी १ थान र कानमा लगाएका रिङ २ थान चोरी  गरी फरार भएका थिए । इलाका प्रहरी कार्यालय शिसुवाबाट खटिएको प्रहरी टोलीले उक्त घटनामा संलग्न र घटनामा प्रयोग भएका २ थान खुकुरीसहित उनीहरुलाई हिजो पक्राउ   गरेको हो । चोरी तथा डाँका सम्बन्धी कसूरमा ५ दिन म्याद थप गरी अनुसन्धान  अगाडि बढेको प्रहरीले बताएको छ ।