गण्डकी प्रदेशका नवनियुक्त मुख्यमन्त्री सुरेन्द्रराज पाण्डेले मन्त्री मण्डल विस्तार गरेका छन्।

आफू दोस्रो पटक मुख्यमन्त्रीको सपथ लिएसँगै पाण्डेले प्रदेशका लागि थप २ मन्त्री मण्डल समेत विस्तार गरेका हुन्।

पाण्डेले कास्कीका विन्दुकुमार थापा र लमजुङका टकराज गुरुङलाई मन्त्री मण्डलमा सामेल गराएका हुन्।

मुख्यमन्त्री पाण्डेसँगै विन्दुकुमार थापा उर्जा, जलस्रोत तथा खानेपानी मन्त्रालय र टकराजले आर्थिक मामिला मन्त्रालयको जिम्मेवारी पाएका हुन्।

थापा, प्रदेशमा दोस्रो पटक र गुरुङ पहिलो पटक मन्त्री बनेका हुन्।

थापा, यसअघिको गण्डकी प्रदेशमा कृष्णचन्द्र नेपाली पोखरेलको मन्त्री मण्डलमा पहिलो पटक मन्त्री बनेका थिए।

आजै (बुधबार) नवनियुक्त मन्त्री थापा र गुरुङले मुख्यमन्त्री पाण्डेसँग पद तथा गोपनियताको सपथ लिएका छन्।