पोखरा । पोखरामा जारी आहारारा पोखरा गोल्ड कपमा प्लानिङ ब्वाइज युनाइटेड क्वार्टरफाइनलमा पुगेको छ । शुक्रबार भएको खेलमा फ्रेन्ड्स क्लबलाई ४—० को फराकिलो अन्तरले पराजित गरी क्वार्टरफाइनलमा पुगेको हो ।

खेलको २४ औँ मिनेटमा ब्वाइजका एलेक्स विलियनले पहिलो गोल गर्नुभयो । फ्रेन्डसका खेमराज श्रेष्ठले डिबक्स भित्र ह्यान्डगरेपछि पाएको पेनाल्टीलाई एलेक्सले गाेल गर्नुभयो । खेलको ४५ औँ मिनेटमा पापा इबोकले गोल गरी अग्रता दोब्बार पार्नु भने दोस्रो हाफमा थप दुई गोल गरर पापाले ह्याट्रिक पूरा गर्ने भयो ।

उहाँले खेलको ५४ र ८१ मिनेटमा गोल गरी खेललाई ४—० मा पु¥याउनु भयो । पापा नै प्लेयर अफ दी म्याच बन्नुभयो । खेलमा फ्रेन्ड्सले पाएका केही अवसरमा सदुपयोग गर्न सकेन । खेलको १० औँ मिनेटमा राजेश परियारको प्रहारलाई बिपक्षी किपर योगेश धिमालले पञ्च गरी बाहिर फाल्नु भयो । फ्रेन्ड्सका प्रशिक्षक रमेश महर्जनले फुटबल प्रतियोगिताका तालिका जुधेर लगातार खेल्नु पर्दा खेलाडी थाकेकाले राम्रो खेल्न नसकेको बताउनुभयो । शनिबार पहिलो क्वार्टरफाइन खेल आयोजक सहारा क्लब र नेपाल पुलिस क्लबबचि दिउँसो तीन बजे पोखरा रङ्गशालामा हुनेछ ।

यसअघि बिहीबार भएको खेलमा मनाङ मस्याङ्दी क्लबले सशस्त्र प्रहरी बलको एपिएफ क्बललाई २–१ गोल अन्तरले पराजित गर्दै क्वार्टरफाइनल स्थान बनाएको थियो । मनाङको जितमा रोनिश धेके राजभाक र सुरेश कुमालले १–१ गोल गर्नुभयो भने, एपिएफका लागि युवराज राइले गोल गर्नुभएको थियो । प्रतियोगितामा तीन विदेशीसहित १२ टिम सहभागी छन् ।