पाेखरा ।
पोखरा १२ पुरानोधारामा रहेको चापापानी सिद्धार्थ बचत तथा ऋण सहकारी संस्थाले विभिन्न सहकारीहरुको अध्ययन अवलोकन भ्रमण गरेको छ । सहकारीले कास्की तथा लम्मजुङ जिल्लाका विभिन्न ठाउँमा पुगेर त्यहा रहेका सहकारी तथा लम्मजुङ जिल्लाको पर्यटकीय ठाँउ राईनासकोटको भ्रमण गरेको हो ।
विभिन्न ठाउँमा रहेका सहकारीहरुले गरेका गतिविधि, कार्यक्रम र क्षेत्रका विषयमा जानकारी लिई आवश्यकता अनुसार आफ्नो सहकारीमा प्रयोग गर्ने उद्देश्यले अध्ययन अवलोकन गरिएको बताउदै सहकारीका अध्यक्ष दिपक कार्कीले संस्था निति , विधी र प्रविधिलाई आत्मसाथ गर्दै दिगो संस्था र समृद्घ सदस्य बनाउने लक्ष्यमा अगाडि बढ्दै गर्दा यस प्रकारका भ्रमणहरुले सन्चालक समिति कर्मचारीहरुलाई थप ताजगीका साथ क्षमतावान बनाउँदै लैजाने विश्वासका साथ आगामी दिनहरुमा यस्तै प्रकारका भ्रमणहरु बार्षिक रुपमा संचालन गरिने बताईए ।

सहकारीको भ्रमण टोलिलाई स्वागत गर्दे राईनासकोट नगरपालिकाका नगर प्रमुख खडग वहादुर गुरुङले राईनासकोटको पुरानो ईतिहास बताउदै पुराना सम्पदा तथा ईतिहासलाई जोगान सके त्यसबाट आन्तरिक पर्यटक तथा बाह्य पर्यटकहरुलाई आर्कषण गर्न सकिने बताए । नगर प्रमुख गुरुङले चापापानी सिद्धार्थ सहकारीले आफ्नो अध्ययन अवलोकन भ्रमणको लागी लम्जुङ जिल्ला र विशेषगरि राईनासकोटलाई रोज्नुभएको धन्यवाद दिदै राईनासकोटका सहकारीहरुबाट यहाँहरुले केहि शिक्षा लिन सक्ने र यहाँहरुको सहकारीले पनि यहाँका सहकारीहरुलाई आफ्ना सकारात्मक कामहरुको अनुभव सुनाउन सक्ने बताए ।
कार्यक्रममा सहकारीका उपाध्यक्ष श्यामप्रसाद साँखी,सहकारीकी सचिव ईन्दिरा कोइराला सहकारीकी व्यवस्थापक करुणा शाही लगाएते सहकारीको अध्ययन अवलोकन भ्रमणको उध्यश्य र आवश्यक्ता माथि प्रकाश पारेका थिए । २ दिने सहकारीकाे अध्ययन अवलोकन भ्रमणमा सञ्चालक समिति, लेखासमिति, अन्य उपसमिति, सल्लाहकार र कर्मचारी गरी २८ जनाको टोलीले अध्ययन अवलोकन गरेर फर्किएको सहकारीका शिक्षा संयोजक मनोहरि पौडेलले बताए । वित्तयि क्षेत्रमा जिल्लामै अग्रहणी भूमिका खेल्दै आएको सहकारीले यस वर्ष सहकारीका शेयर सदस्यहरुलाई पनि अध्ययन अवलोकन भ्रमण गराउने सहकारीका ऋण सयोजक गुप्त वहादुर कार्कीले बताए ।

आफ्ना शेयर सदस्यहरुको आर्थिक समृद्धिको मेरुदण्ड सहकारी भएकाले पनि आनन्दले शेयर सदस्यहरुमा सामूहिक भावनाको विकास गरी उपलब्ध श्रम, सीप, श्रोत साधन, पुँजी र प्रविधिको माध्यमबाट समृद्धिको यात्रालाई पहिल्याएको र वित्तीय सहकारी अभियानमा जागरण, सशक्तिकरण, व्यवसायिकीकरण, गुणस्तरिय सुनिश्चिता, संस्थागत वृद्धि र निरन्तर समृद्धिको खाका तय गर्दै सहकारी अगाडि बढीरहेको सहकारीका अध्यक्ष दिपक कार्कीले बताए ।