पोखरा । प्रेस चौतारी कास्कीका अध्यक्ष मोतीसागर अधिकारीलाई मातृशोक परेको छ । उहाँकी आमा छली अधिकारीको ६९ वर्षको उमेरमा सोमबार दिउँसो निधन भएको हो । अधिकारीको हृदयघातका कारण निधन भएको हो ।

सोमबार दिउँसो एक्कासी हृदयघात भएपछि उहाँलाई पश्चिमाञ्चल क्षेत्रीय अस्पताल लगिएकोमा चिकित्सकले मृत घोषणा गरेका थिए । स्वर्गीय अधिकारीको आज मंगलबार पोखरा २५ को मेलबोटस्थित सेती नदी किनारमा अत्येष्टि गरिएको छ । मंगलबार पोखरा २५ सुइखेतबाट शव यात्रा गरिएको थियो ।

अधिकारीका २ छोरा र एक छोरी छन् ।  अधिकारीको निधनप्रति नेपाल पत्रकार महासंघ कास्की, प्रेस चौतारी कास्कीले दुख व्यक्त गर्दै उहाँप्रति भापूर्ण श्रद्धाञ्जली अर्पण गरेका छन् ।