पोखरा । नेपाल पूर्वप्रहरी संगठनको ३५ औं स्थापना दिवस मनाइएको छ । पूर्वप्रहरी संगठन इकाइ समिति लेखनाथले नेपाली महिलाहरुको पर्व हरितालिका तिजको अवसरमा पूर्वप्रहरी परिवार महिला संघका पदाधिकारी तथा सदस्यहरुलाई दर खुवाएर र बिरामी भएका आफ्ना सदस्यको स्वास्थ्य अवस्था बुझी स्वास्थ्य लाभको कामना गरेर मनाएको हो ।

समितिले पूर्वप्रहरी संगठनका सदस्य वीरबहादुर गुरुङ र प्रेम पल्ली मगरको शीघ्र स्वास्थ्य लाभको कामना गरेको हो । आइतबार भएकाे कार्यक्रम लेखनाथ इकाइ समितिका अध्यक्ष कृष्णप्रसाद तिमिल्सेनाको अध्यक्षतामा भएको थियो ।