काठमाडौं । कीर्तिपुरको त्रिभुवन विश्वविालय क्रिकेट मैदानमा जारी नेपाल प्रिमियर लिग (एनपिएल) मा आज दुई खेल हुँदैछन् । आज बिहान ९ बजे सुरु हुने पहिलो खेलमा पोखरा एभेन्जर्स र जनकपुर बोल्ट्सले प्रतिष्पर्धा गर्नेछन् ।

पोखरा पहिलो खेलमा चितवन राइनोजसँग ८७ रनले पराजित भएकाले आजको खेलमा जित हात पार्न प्रयासरत रहनेछ । २ खेल जितिसकेको जनकपुर जितलाई निरन्तरता दिने गरी प्रस्तुत हुनेछ । जनकपुरले पहिलो खेलमा विराटनगर किंग्स तथा दोस्रो खेलमा कर्णाली याक्सलाई समान ८ विकेटले हराएको थियो ।

आजै हुने दोस्रो खेलमा काठमाडौं गुर्खाज र सुदूरपश्चिम रोयल्सबीच खेल हँुदैछ । खेल दिउँसो १ बजेबाट सुरु हुनेछ । पुस ६ गतेसम्म चल्ने एनपिएलमा ८ टोलीको सहभागिता भने राउन्ड रोबिन लिगपछि शीर्ष ४ टोली प्लेअफमा प्रवेश गर्नेछन् ।