बागलुङ । बागलुङको निसीखोलामा आज बस दुर्घटना भएको छ । रुकुमबाट काठमाडौं आउदै गरेको बस निसीखोला–६ जाउलेपानीमा दुर्घटना हुँदा २१ जना घाइते भएका छन् । ना. ८ ख. ८४१४ नम्बरको बस दुर्घटना भएको हो ।

दुर्घटनमा ४ जना गम्भीर र १७ जना सामान्य घाइते भएको बागलुङ प्रहरीले जानकारी दिएको छ । बसमा ४० जना सवार थिए । ब्रेकफेल भएर बस दुर्घटना भएको प्रारम्भिक अनुमान प्रहरीको रहेको छ । घटनाको थप विवरण भने आउन बाँकी रहेको प्रहरीले बताएको छ ।