तीन केन्याली धावकले १८ औं संस्करणको सफल पोखरा म्याराथन जितेका छन्।

केन्याली धावक जुलियस मुरिला वाहोमले जितेका छन्।

वाहोमलले निर्धारित ४२.१९५ किलोमिटरको दूरी २ घण्टा १९ मिनेट ३६ सेकेन्डमा पूरा गर्दै उपाधि जिते।

उनले उपाधिसँगै नगद ५ लाख रुपैयाँ पुरस्कार प्राप्त गरे।

अघिल्लो वर्ष उनी उपविजेता भएका थिए।

दोस्रो र तेस्रो उपाधि पनि केन्याकै इसाक किहारा कामिरी र इड्वीन किप्लागेटले जितेका छन्।

कामिरिलले २ घण्टा २० मिनेट ५ सेकेन्डमा र किप्लागेटले २ घण्टा २० मिनेट ४५ सेकेन्डमा दूरी पूरा गरे।

दोस्रो भएका कामिरीले ३ लाख र तृतीय भएका किप्लागेटले २ लाख रुपैयाँ नगद जिते।

चौथो स्थानमा नेपाली धावक किरण बोगटी रहे।

उनले निर्धारित दूरी २ घण्टा २४ मिनेट २ सेकेन्डमा पूरा गरे।

उनले ३० हजार रुपैयाँ प्राप्त गरे।

उता सफल पोखरा हाफ म्याराथनको उपाधि सन्तोषी श्रेष्ठले जितेकी छन्।

पोखरामा शनिबार बिहान भएको १८ औँ संस्करणमा निर्धारित दूरी सन्तोषीले १ घण्टा १८ मिनेट ३९ सकेण्डमा पार गर्दै हाफ म्याराथनको उपाधि जितिन्।

राममाया बुढा तेस्रो तथा फूलमती राना चौथो भएकी छिन्।

फूलमतीले निर्धारित दूरी १ घण्टा १९ मिनेट २२ सेकेण्डमा पार गरिन्।

उनी २० सेकेण्डले दोस्रो हुनबाट चुकिन्।

तेस्रो भएकी राममाया बुढाले निर्धारित दूरी १ घण्टा २१ मिनेट ०७ सेकेण्डमा पार गरिन्।