पोखरा । एएफसी यु–२० एसियन कप छनोटको समूह बी को खेलमा नेपालले आज बहराइनको सामना गर्दैछ ।

चाइनिज ताइपेइमा जारी नेपाल र बहराइनबीचको खेल नेपाली समय अनुसार दिउँसो पौने १ बजे सुरु हुनेछ । समूह बी मा नेपालले यसअघि तीन खेल खेल्दा १ खेल जितेको थियो भने २ खेलमा पराजित भएको थियो ।

पाँच टोली सहभागी समूह बी मा नेपाल ३ खेलबाट ३ अंकसहित चौथो स्थानमा छ । समूहको शीर्ष स्थानमा रहेर अर्को वर्ष चीनमा हुने एएफसी यु–२० एसियन कपमा छनोट हुने नेपालको सम्भावना सकिएको छ ।