पोखरा।तिहार पर्व नजिकिँदै गर्दा कास्की जिल्लाका विभिन्न स्थानमा अवैध रूपमा पट्का पड्काइएका घटनाबारे प्राप्त जनगुनासोका आधारमा प्रहरीले विशेष निगरानी तथा नियन्त्रण अभियान सञ्चालन गरेको छ ।

जिल्ला प्रहरी कार्यालय कास्की र मातहतका प्रहरी टोलीहरूले संयुक्त रूपमा सञ्चालन गरेको अभियानका क्रममा विभिन्न स्थानबाट विभिन्न प्रकारका पट्का बरामद गरिएको प्रहरीले जनाएको छ । बरामद गरिएको पट्का खाल्डो खनी पानीले नष्ट गरी सुरक्षित रूपमा पुरिएको हो ।

प्रहरीका अनुसार बरामद गरिएको वस्तुहरूमा

• खुर्सानी पट्का – १५ प्याकेट
• आलु पट्का – २५ वटा
• स्काई सर्ट पट्का – १ पिस
• हेलन सट्स – १ प्याकेट
• १२ स्टार पट्का – २ प्याकेट
• रकेट पट्का – २० पिस
• मिनी बुलेट पट्का – ६० पिस

रहेका छन् । प्रहरीले तिहार पर्वको समयमा बालबालिका र सर्वसाधारणको सुरक्षालाई ध्यानमा राख्दै यस्ता विस्फोटक सामग्रीको उत्पादन, बिक्री–वितरण र प्रयोग नगर्न सर्वसाधारणलाई आग्रह गरेको छ । साथै, अवैध रूपमा पट्का बनाउने, बिक्री गर्ने वा प्रयोग गर्नेहरूलाई कानूनी कारबाही गर्ने चेतावनी पनि दिएको छ ।