पोखरा । नेपाल विद्युत प्राधिकरण (NEA) ले स्थायी पदपूर्तिका लागि ठूलो संख्यामा दरखास्त आह्वान गरेको छ। प्राधिकरणको प्रधान कार्यालय, काठमाडौँले गत शुक्रबार पुस १८ गते  एक सार्वजनिक सूचना प्रकाशित गर्दै लोक सेवा आयोगद्वारा लिइने खुला प्रतियोगितात्मक लिखित परीक्षाका माध्यमबाट विभिन्न तहका पदहरूमा कर्मचारी नियुक्त गर्न लागेको हो।

कुन–कुन पदमा खुल्यो विज्ञापन?

प्राधिकरणले अधिकृतस्तरदेखि सहायक स्तरसम्मका विभिन्न प्राविधिक तथा प्रशासनिक पदहरूमा दरखास्त मागेको छ।

१. अधिकृतस्तर (तह १० देखि ७ सम्म):

• तह १०: सह–निर्देशक (प्रशासन/लेखा)

• तह ९: सहायक निर्देशक (प्रशासन/लेखा)

• तह ८: सहायक प्रबन्धक (इलेक्ट्रिकल, मेकानिकल, सिभिल, कम्प्युटर इन्जिनियरिङ)

• तह ७: प्रशासकीय अधिकृत, कानुन अधिकृत, लेखा अधिकृत, चार्टर्ड एकाउन्टेन्ट, समाजशास्त्री र इन्जिनियर (इलेक्ट्रिकल, इलेक्ट्रोनिक्स, मेकानिकल, सिभिल, वातावरणविद्)।

२. सहायक स्तर (तह ५ देखि ३ सम्म):

• तह ५: मिटररिडिङ सुपरभाइजर, लेखापाल, र सुपरभाइजर (इलेक्ट्रिकल, मेकानिकल, सिभिल)।

• तह ३: सर्भे इन्जिनियर, इलेक्ट्रिसियन आदि।

शैक्षिक योग्यता र अनुभव

अधिकृतस्तरका लागि सम्बन्धित विषयमा स्नातकोत्तर वा स्नातक गरी तोकिएको वर्षको कार्य अनुभव हुनुपर्नेछ भने सहायक स्तरका लागि सम्बन्धित विषयमा प्रवीणता प्रमाणपत्र (१०+२) वा सो सरह उत्तीर्ण गरेको हुनुपर्नेछ। विस्तृत शैक्षिक योग्यता विज्ञापनको सूचनामा उल्लेख गरिएको छ।

आवेदन दिने प्रक्रिया र समयसीमा

योग्य नेपाली नागरिकले प्राधिकरणको अनलाइन भर्ना प्रणाली (Online Application Portal) मार्फत आवेदन दिनुपर्नेछ।

• दरखास्त दिने अन्तिम मिति: २०८२ माघ ८ गतेसम्म।

• दोब्बर दस्तुर तिरी आवेदन दिने मिति: २०८२ माघ १५ गतेसम्म।

परीक्षा दस्तुर

• तह १० को लागि: रु. २,०००/-

• तह ८ को लागि: रु. १,४००/-

• तह ७ को लागि: रु. १,२००/-

• तह ५ को लागि: रु. ८००/-
  (समावेशी समूहमा थप आवेदन दिनेको हकमा पद अनुसार थप दस्तुर लाग्नेछ।)

उमेरको हद

• अधिकृतस्तर (तह ७ र सोभन्दा माथि): २१ वर्ष पूरा भई ३५ वर्ष ननाघेको (महिला तथा अपाङ्गता भएका उम्मेदवारको हकमा ४० वर्ष)।

• सहायक स्तर (तह ५ र सोमुनि): १८ वर्ष पूरा भई ३५ वर्ष ननाघेको (महिला तथा अपाङ्गता भएका उम्मेदवारको हकमा ४० वर्ष)।

• प्राधिकरणका स्थायी कर्मचारीलाई उमेरको हद लाग्ने छैन।

छनोट प्रक्रिया

उम्मेदवारहरूको छनोट लिखित परीक्षा, प्रस्तुतीकरण (आवश्यकता अनुसार) र अन्तर्वार्ताको माध्यमबाट गरिनेछ। लिखित परीक्षा लोक सेवा आयोगले सञ्चालन गर्नेछ। थप जानकारीका लागि नेपाल विद्युत प्राधिकरणको आधिकारिक वेबसाइट www.nea.org.np मा हेर्न सकिने वा प्राधिकरणको भर्ना शाखामा सम्पर्क गर्न सकिने सूचनामा उल्लेख छ।