पोखरा । जिल्ला प्रशासन कार्यालय, कास्कीले तोडफोड, आगजनी र लुटपाटका कारण क्षतिग्रस्त कार्यालयमा आवश्यक मर्मतपछि थप सेवा सुचारु गर्ने भएको छ।

कार्यालयले जारी गरेको विज्ञप्तिअनुसार, मिति २०८२ साउन २४ गतेको घटनापछि आंशिक रूपमा केही सेवा मात्र प्रदान गर्दै आएकोमा, मिति २०८२ भदौ २९ गतेदेखि सुरु गरिएका सेवासँगै असोज ८ गतेदेखि नयाँ सेवा विस्तार गर्न लागेको हो।

थप सुरु हुने सेवामा नयाँ नागरिकता वितरण, आगजनीपछिको प्रक्रियाअनुसार राहदानी विभागबाट कार्यालयमा प्राप्त भएका राहदानी वितरण (रजिस्टर्ड मोबाइल नम्बरमा ‘Your Passport is ready to collect’ भन्ने SMS प्राप्त गरेका सेवाग्राहीका लागि) र भारतीय पेन्सन सिफारिस सेवा रहेका छन्।