पोखरा । पोखरा यातायात प्रालिले बिहीबार आफ्नो सातौं वार्षिक साधारणसभा सम्पन्न गरेको छ । सभाको उद्घाटन नेपाल यातायात व्यवसायी राष्ट्रिय महासंघ गण्डकीका संयोजक केदार पौडेलले गरेका थिए ।  यातायात व्यवसायीले नभई यातायात कम्पनीले व्यवसायीलाई सिन्डिकेट लगाएर भएपनि सेवा दिइरहेकाे बताए । उनले पाेखरा यातायात प्रालिले दूरदराजमा सेवा दिइरहेकाे धारणा राखे ।उनले पोखरा यातायात प्रालिले दुर्गम क्षेत्रमा समेत यातायात सुविधा दिइरहेको उल्लेख गरे ।

त्यसैगरी, पोखरा महानगरपालिका वडा नम्बर १६ का वडाध्यक्ष  तथा  पोखरा यातायात प्रालिका सल्लाहाकार अमृतशर्मा तिमिल्सिनाले पोखरामा दुई सयदेखि २५० यात्रुबहाक बस पर्याप्त हुने भएपनि आठ सयभन्दा बढी बस सञ्चालित रहेको बताए । उनका अनुसार, केही निकायको सहकार्यमा पोखराको यातायात व्यवस्थापन सुव्यवस्थित गर्ने तयारी भइरहेको छ ।

पृथ्वी राजमार्ग बस सञ्चालक कम्पनीका अध्यक्ष योगेन्द्रबहादुर केसीले यातायात क्षेत्रलाई सरकारले प्राथमिकतामा नपार्दा व्यवसायीहरु समस्या परेको बताए । उनले यातायात व्यवसायीको पेशागत सुरक्षामा तत्काल ध्यान दिनुपर्ने आवश्यकता औंल्याए । कार्यक्रममा सल्लाहकार वसन्त प्रधान र बमबहादुर गुरुङ, नेपाल यातायात व्यवसायी राष्ट्रिय महासंघ जिल्ला समन्वय समिति कास्कीका संयोजक कृष्ण पौडेल, पत्रकार महासंघ कास्कीका अध्यक्ष माधव बराल, पत्रकार कमल पौडेल अथक तथा नेपाल यातायात स्वतन्त्र मजदुर संगठन गण्डकी अध्यक्ष देवीराज थिङ लगायतले पनि व्यवसायीलाई यात्रु मैत्री सेवा प्रदान गर्नुपर्ने धारणा राखेका थिए ।

सो अवसरमा चालक जुनबहादुर गुरुङ, सहचालक रोशनकुमार गुरुङ, निरन्तर बस सञ्चालक सूर्यबहादुर गुरुङ, उत्कृष्ट कर्मचारी अर्चना थापा, साथै उत्कृष्ट अंक ल्याउने बस सञ्चालकका छोराछोरीमध्ये सुमना थापा मगर र क्रिसल पौडेललाई सम्मान गरिएको थियो । यस्तै, विभिन्न सहयोगदाताहरूलाई पनि कार्यक्रममा सम्मान गरिएको थियो । पोखरा यातायात प्रालिका अध्यक्ष देउप्रसाद गुरुङको अध्यक्षतामा भएको कार्यक्रममा स्वागत प्रबन्ध निर्देशक देवीप्रसाद कुइकेल र सञ्चालन कम्पनी सचिव जीवन पौडेलले गरेका थिए ।

सडक यातायता व्यवसायी पत्रकातिरा पुरस्कारबाट पत्रकार गिरी सम्मानित

सभामा पत्रकार एकराज गिरी सम्मानित भएका छन् । उनलाई पोखरा यातायात प्रालिले.स्थापना गरेको सडक यातायात व्यवसायी पत्रकारिता पुरस्कार २०८२ बाट सम्मान गरिएको हो । कार्यक्रमका प्रमुख अतिथि नेपाल यातायात व्यवसायी राष्ट्रिय महासंघ गण्डकी संयोजक केदार पौडेल, पोखरा यातायात प्रालिका अध्यक्ष देउप्रंसाद गुरुङ, नेपाल पत्रकार पत्रकार महासंघ कास्कीका अध्यक्ष माधव बराल लगायतले. सम्मान गरेका हुन् । पुरस्कारको राशि सम्मापत्र, दोसल्ला र नगद २५ हजार रहेको छ ।

पोखरा महानगरपालिका वडा नम्बर २४ कास्कीकोटमा जन्मेका गिरीले २०६० सालदेखि पत्रकार सुरु गरेका हुन् । पोखरा हट्लाइन दैनिक, गोरखापत्र दैनिक, रेडियो गोर्खाली, पोखरा एफएम लगायत आधा दर्जन सञ्चार माध्यममा काम गरिसकेका गिरी हाल सफल न्युज डटकमको कार्यकारी सम्पादक र सफल न्युज सम्ताहिकको प्रकाशक सम्पादकको रुपमा कार्यरत छन् ।

गिरी २०७४ देखि २०८१ सम्म पोखरा महानगरपालिकाका उपप्रंमुख मञ्जुदेवी गुरुङको प्रेस संयोजक थिए । गिरी यसअघि सहारा खेलकुद पत्रकारिता पुरस्कार, तत्कालिन जिल्ला विकास समितिबाट प्रदान गरिने वर्ष उत्कृष्ट पत्रकार पुरस्कार लगायतबाट सम्मानित भइसकेका छन् ।
प्रेस क्लब गण्डकीका अध्यक्षसमेत रहेका गिरी खेलकुद पत्रकार मञ्च गण्डकीका पूर्वअध्यक्ष, प्रेस चौतारी कास्कीको पूर्वकोषाध्यक्ष, नेपाल पत्रकार महासंघ कास्कीको पूर्वसदस्य हुन् । कार्यक्रममा बोल्दै सम्मानित पत्रकार गिरीले पुरस्कारले आफूलाई उर्जा र हौसला थप्नुका साथै पेशाप्रति थप जिम्मेवार बनाएको बताए ।

पत्रकार महासंघ कास्कीका अध्यक्ष माधव बराल संयोजक, पोखरा यातायात प्रालिका अध्यक्ष देउप्रसाद गुरुङ र प्रबन्ध सञ्चालक देवीप्रसाद कुँइकेल सदस्य रहेको प्रतिभा छनोट समितिले गिरीलाई पुरस्कृत गर्न सिफारिस गरेको थियो ।