पोखरा । पोखरा महानगरपालिका भित्रपर्ने (साविक लेखनाथ नगरपालिका) का उद्योगी व्यवसायीलाई चुनाव लागेको छ । लेखनाथ उद्योग वाणिज्य संघको १५ औं अधिवेशनले नयाँ नेतृत्व चयन गर्ने भएपछि उद्योगी व्यवसायीलाई चुनाव लागेको हो ।

संघको अधिवेशन भदौ २० र २१ गते पोखरा महानगरपालिका वडा नम्बर २९ भण्डारढिकमा हुँदैछ । चुवनामा राजेन्द्र ओझा र जानुका पराजुली अधिकारी प्यानल बनाएर चुनावी मैदानमा उत्रिएका छन् । अध्यक्षका प्रत्यासी ओझा लेखनाथ उद्योग वाणिज्य संघको अहिलेको कार्यसमितिका वरिष्ठ उपवाध्यक्ष हुन भने अर्का अध्यक्षका प्रत्यासी अधिकारी महासचिव हुन । दुबै समूहले मतदाता भेटघाटलाई तीव्रता दिइरहेका छन् ।

चुनाव केन्द्रित गरेर जानुका पराजुली अधिकारी टिमले आज पत्रकार सम्मेलन गरेर प्रतिवद्धता पत्रसमेत सार्वजनिक गरेको छ । आज लेखनाथको तालचोकमा आयोजित पत्रकार सम्मेलनमा अध्यक्षका उम्मेदवार जानुका पराजुली अधिकारीले आफ्नो टिमको प्रतिवद्धता पत्र सार्वजनिक गरेकी हुन् । व्यावसायिक हकहित तथा नयाँ उद्योगी र व्यवसायीको विकासको लागि आइडिया बैंक स्थापना गरी परियाेजना तयार गर्न सहयाेग गरिने लगायतका २३ वटा बुँदालाई  प्रतिवद्धता पत्रमा समेटिएको छ । पत्रकार सम्मेलनमा अध्यक्ष, पदाधिकारी र सदस्यका उम्मेदवारको परिचयसमेत गरिएको थियो ।

जानुका समूहले सार्वजनिक गरेकाे प्रतिवद्धतापत्र जस्ताको तस्तै ।

अध्यक्षका उम्मदेवार अधिकारीको अध्यक्षमा भएको कार्यक्रमको  सञ्चालन महासचिवका उम्मेदवार  भरतराज ओझाले गरेका थिए । लेखनाथ उद्योग वाणिज्य संघको मतदाता संख्या २ हजार १९ रहेको अध्यक्ष विनोद श्रेष्ठले जनकारी दिए । ओझा  समूहले गत भदाै ५ गते पत्रकार सम्मेलन गरेर प्रतिवध्दता पत्र  सार्वजनिक गरेको थियो ।

जानुका समूका  उम्देवारहरु