पोखरा । पोखरा महानगरपालिका भित्रपर्ने (साविक लेखनाथ नगरपालिका) का उद्योगी व्यवसायीलाई चुनाव लागेको छ । लेखनाथ उद्योग वाणिज्य संघको १५ औं अधिवेशनले नयाँ नेतृत्व चयन गर्ने भएपछि उद्योगी व्यवसायीलाई चुनाव लागेको हो ।

संघको अधिवेशन भदौ २० र २१ गते पोखरा महानगरपालिका वडा नम्बर २९ भण्डारढिकमा हुँदैछ । चुवनामा राजेन्द्र ओझा र जानुका पराजुली अधिकारी प्यानल बनाएर चुनावी मैदानमा उत्रिएका छन् । अध्यक्षका प्रत्यासी ओझा लेखनाथ उद्योग वाणिज्य संघको अहिलेको कार्यसमितिका वरिष्ठ उपवाध्यक्ष हुन भने अर्का अध्यक्षका प्रत्यासी अधिकारी महासचिव हुन । दुबै समूहले मतदाता भेटघाटलाई तीव्रता दिइरहेका छन् ।

चुनावी केन्द्रित गरेर राजेन्द्र ओझा टिमले प्रतिवद्धता पत्रसमेत सार्वजनिक गरेको छ । आज लेखनाथको तालचोकमा आयोजित पत्रकार सम्मेलनमा अध्यक्षका उम्मेदवार राजेन्द्र ओझाले आफ्नो टिमको प्रतिवद्धता पत्र सार्वजनिक गरेका हुन् । उनले हाम्रो आधार, हाम्रो दृष्टि, हाम्रो लक्ष्य, हाम्रो प्रतिवद्धता र विशेष योजना लगायत ६ वटा बुँदामा आफ्नो चुनावी प्रतिवद्धता व्यक्त गरेका छन् । पत्रकार सम्मेलनमा अध्यक्ष, पदाधिकारी र सदस्यका उम्मेदवारको परिचयसमेत गरिएको थियो ।

राजेन्द्र समूहले सार्वजनिक गरेकाे प्रतिवद्धतापत्र जस्ताको तस्तै ।

अध्यक्षका उम्मदेवार ओझाको अध्यक्षमा भएको कार्यक्रममा स्वागत वरिष्ठ उपाध्यक्षका उम्मेदवार उपेन्द्रराज सुवेदी राजु र सञ्चालन महासचिवका उम्मेदवार जीवन तिवारीले गरेका थिए । पत्रकार सम्मेलनमा संघका पूर्वअध्यक्ष बलराम ढकाल र लक्ष्मीप्रसाद त्रिपाठी उपस्थित थिए । लेखनाथ उद्योग वाणिज्य संघको मतदाता संख्या २ हजार १९ रहेको अध्यक्ष विनोद श्रेष्ठले जनकारी दिए ।

राजेन्द्र समूहका उम्देवारहरु