पोखरा । पोखरा भ्रमण वर्ष २०२५ घोषणा गर्दै विभिन्न कार्यक्रमका साथ आफ्ना गतिविधि गरिरहेको पोखरा महानगरपालिकाले भ्रमण वर्ष २०२५ घोषणा गरेका विभिन्न पालिकासँग अनुुभव आदानप्रदान गर्ने कार्यलाई अघि बढाएको छ । भ्रमण वर्ष घोषणा पश्चात गरिएका प्रयासँगै गरिएका असल अभ्यास एवम् पर्यटकीय साझेदारी अभिवृद्धि गर्ने उद्देश्यका साथ अनुभव आदानप्रदान गर्ने कार्य गरिएको पोखरा भ्रमण वर्ष २०२५ कार्यसम्पादन समितिका संयोजक गोपीबहादुर भट्टराईले बताउनुुभयो ।

अनुुभव आदानप्रदानकै क्रममा आइतबार भ्रमण वर्ष घोषणासहित अघि बढिरहेको गोरखा नगरपालिकामा सरोकारवाला पदाधिकारी एवम् प्रतिनिधिसँग अन्तरक्रिया गरिएको छ । गोरखा आफैमा एउटा ऐतिहासिकस्थल भएको बताउँदै पोखरा भ्रमण वर्ष २०२५ कार्य सम्पादन समितिका संयोजक भट्टराईले पोखराबाट नजिक रहेको यस गन्तव्यसँग एक आपसमा पर्यटकीय साझेदारी बढाउँदै अघि बढ्न सकिने बताउनुुभयो ।

गोरखाले पनि भ्रमण वर्ष घोषणा गरेकाले पोखरा पनि भ्रमण वर्ष घोषणासहित विभिन्न गतिविधि बढाइरहेको उल्लेख गर्दै भट्टराईले एकआपसमा गरिने समन्वय र सहकार्यबाट पनि यस्ता कार्यक्रमलाई प्रभावकारी बनाउन सहयोग पुग्ने धारणा राख्नुुभयो । गोरखा नगरपालिकाका प्रमुख कृष्णबादुर राना मगरले गोरखा नेपालको एउटा महत्वपूर्ण ऐतिहासिक स्थान भएको बताउँदै यहाँबाट नै विशाल नेपालको एकीकरण सुरुवात भएको बताउनुुभयो ।भौगोलिक विबिधतासँगै धेरै धार्मिक एवम् ऐतिहासिक स्थलहरू गोरखामा रहेको बताउँदै उहाँले स्वदेश एवम् विदेशका पर्यटकलाई यहाँ आउनका लागि प्रेरित गर्नका भ्रमण वर्ष घोषणा गरिएको बताउनुुभयो ।

भ्रमण वर्ष घोषणासँगै विभिन्न कार्यक्रम तय गर्दै चरणवद्ध रुपमा आँफूहरूअघि बढीरहेको उहाँले जानकारी दिनुुभयो । छिमेकी मुलक भारतसँग पर्यटकीय सम्बन्ध बिस्तार गर्नका लागि गोरखादेखि गोखरपुरसम्म खिचडी पदयात्रा जस्ता कार्यक्रम अघि बढाउन खोजिएको उहाँको भनाइ छ । महिला उद्यमी रामकली खड्काले गोरखा विभिन्न कच्चा सामग्री पाइने ठाउँ भएको बताउँदै यसलाई पर्यटन एवम् उद्यमशीलतासँग जोड्नुु आवश्यक भएको बताउनुुभयो । चेम्बर अफ कमर्श गोरखाका अध्यक्ष रामशरण श्रेष्ठले पोखरा आफैमा सुन्दर गन्तव्य भएको बताउँदै त्यहाँ बसपार्क लगायतका पूर्वाधारलाई व्यवस्थित गर्नुपर्ने सुुझाव व्यक्त गर्नुुभयो । गोरखा उद्योग वाणिज्य संघका पूर्व अध्यक्ष कृष्णकुमार श्रेष्ठले गोरखा ऐतिहासिक एवम् धार्मिक स्थल भएको बताउँदै यसको पर्यटकीय उपयोगलाई प्रभावकारी बनाउनुुपर्ने बताउनुुभयो ।

गोखरा उद्योग वाणिज्य संघका अध्यक्ष भवानी मास्केले सुन्दरताको संरक्षणसँगै फेवातालको बढ्दो अतिक्रमण जोगाउनुुपर्ने धारणा राख्नुुभयो । नेपाल पर्यटन बोर्डबाट विनियोजन हुने रकम पोखरामा मात्रै केन्द्रित नगर्न उहाँले बोर्डसँग आग्रह गर्नुुभयो । नेपाल पत्रकार महसंघ गोरखाका पूर्वअध्यक्ष कैलाशबाबु श्रेष्ठले पोखराका पर्यटकीय गन्तव्यमा सार्वजनिक यातायातको सहज पहुँच हुन जरुरी भएको धारणा राख्नुुभयो । नेपाल पर्यटन बोर्ड गण्डकी प्रदेशका प्रमुख मणिराज लामिछानेले यस क्षेत्रको पर्यटकीय विकासका लागि पालिकाहरूबीच भाइचारा सम्बन्ध हुनुु जरुरी भएको धारणा राख्नुुभयो ।

पोखरा महानगरपालिकाका प्रवक्ता मोतिलाल तिमल्सिनाले भ्रमण वर्ष घोषणा गरिएका पालिकामा भइरहेका असल अभ्यासबारे जानकारी लिनका लागि यस किसिमका कार्यक्रमलाई महानगरले बढाएको बताउनुुभयो । पोखरा स्थानीय सबै पािलकासँग सहकार्य गर्दै अघि बढ्न लागेको बताउँदै उहाँले सबैको सामुहिक प्रयासमा महत्वपूर्ण उपलब्धिहरू पनि हासिल हुने बताउनुुभयो । भ्रमण वर्ष घोषणासँगै विभिन्न छुटका प्याकेज घोषणा गर्दै महानगर अघि बढिरहेको उहाँले जानकारी दिनुुभयो ।

पोखरामा अबौं रुपैयाँका पूर्वाधार निर्माणको क्रम समेत बढिरहेको उहाँले जानकारी दिनुुभयो ।महानगरले हेलमेट डाँडाको पर्यटकीय उपयोगसँगै लेक टु लेक कनेक्टिभिटि, बेगानास तालमा वाटर स्पोटर्स, नयाँबजारमा कोशेली घर निर्माण जस्ता धेरै कामहरू अघि बढाउन खोजेको बताउनुभयो । पर्यटन व्यवसायी महिला संघ(टेवान)का पूर्वअध्यक्ष कमला गिरीले गोरखा पर्यटकीय रुपमा धेरै सम्भावना बोकेको ठाउँ भएको बताउँदै सक्दो पर्यटकीय उपयोग हुनुु अपरिहार्य भएको धारणा राख्नुुभयो । पोखराले तनहुँको बन्दीपुर गाउँपालिकासँगमा पनि अनुभव आदान प्रदान गरेको छ । बन्दीपुर गाउँपालिकाले पनि भ्रमण वर्ष २०२५ घोषणा गरेको छ ।