पोखरा । पोखराको न्यूरोडमा रहेको कास्की मोडेल हस्पिटलको आयोजनामा छाती तथा दम रोग सम्बन्धी एक दिने निशुल्क स्वास्थ्य परीक्षण  शिविर भएको छ  ।

सिप्ला कम्पनीको प्राविधिक सहयोगमा विश्व आस्थामा दिवसको अवसरमा मंगलबार हस्पिटलको प्राङ्गणमा  भएको शिविरमा १ सय २८ जनाले सुविधा लिएका छन् । शिविरमा फोक्सोको रोगहरु तथा उपचार संग सम्बन्धी जनचेतना मूलक जानकारी वरिष्ठ छाती रोग विशेषज्ञ डा. शैलेस गुरुङले दिएका थिए ।

मानव शरिरको अत्यन्तै महत्वपूर्ण अंग फोक्सो भएको बताउँदै वायू प्रदुषण, धुम्रपान, मद्यपान, धुँवा धुलोले फोक्सोमा समस्या देखिने डा. गुरुङले aताए । साथै स्वास नलि सानो हुने, स्वास लिन गा‍ह्रो हुने, घाँटी घ्यार ध्यार हुने जस्ता लक्षण फोक्सोमा आएको समस्याको कारण पनि हुन सक्ने बताए ।

सो अवसरमा कुँवर समाज समिति पोखरा -८को  सकृय सहभागिता रहेको थियो ।  १ सय २८ जनाले जाँच गराएकोमा फोक्सोको कार्य जाच पल्मोनरी फङसन टेस्ट(PFT) ९५ जनाको गरिएको जनाए  ।

सिप्ला कम्पनिका पिएफटि टेक्निसियन संजीव रोक्का  प्राविधिकहरु सविना रानाभाट, रुपा गुरुङ, संगिता श्रेष्ठ, विजु नेपाली, अनिता गुरुङ  लगायतको सहयोगमा उक्त शिविर सम्पन्न गरिएको हस्पिटलका प्रबन्ध निर्देशक सूर्यप्रसाद पोख्रेलले बताए