पोखरा । सञ्चार तथा सूचना प्रविधिमन्त्री पृथ्वीसुब्बा गुरुङले समाज रुपान्तरणमा गीत संगीत शक्तिशाली हुने बताउनु भएको छ । राष्ट्रिय लोक तथा दोहोरी गीत प्रतिष्ठान नेपालको आयोजनामा पोखरामा आयोजित लोक गायक पुरुषोत्तम न्यौपाने एकल साँझको शुक्रबार पोखरामा उद्घाटन गर्दैै गण्डकी प्रदेश लोक सँस्कृतिको मुख्य थलो भएको बताउनुभयो ।

“समृद्धि र विकासले मात्र खुसी मिल्दैन,”उहा्ँले भन्नुभयो,“व्यक्तिलाई सुखी बनाउन गीत संगीत आवश्यक पर्दछ र यसमा लोक गीत अझ सशक्त छ ।” गण्डकी प्रदेशले धेरै लोक श्रष्टा जन्माएको बताउँदै गुरुङले सहित्य, कला र संगीतको उर्वर भूमि भएको बताउनु भयो ।

“गीत गाउन, नाच्न र रमाउने वातारण लोकतन्त्रका कारण सम्भव भएको हो”,उहाँले भन्नुभयो,“ गणतन्त्रको विकल्प अरु कुनै तन्त्र हुनसक्दैन।” सरकारका प्रवक्तासमेत रहनुभएका गुरुङले गणतन्त्रको संरक्षण, सम्वद्र्धन र प्रवद्र्धनमा गीत संगीतले महत्वपूर्ण भूमिका खेल्ने बताउनुभयो । सव्य समाज निर्माण गर्न गीत÷संगीत शसक्त माध्यम भएको उहाँको भनाइ छ । सव्य समाज निर्माण भएमा मात्र वास्तविक खुसी मिल्ने उहाँले बताउनुभयो । कार्यक्रममा पुरुषोत्तम न्यौपाउनेले आफ्ना चर्चित गीत गाउनुभएको थियो ।