पोखरा । फेवासिटी हस्पिटलका संस्थापक तथा प्राध्यापक डाक्टर बुद्धिबहादुर थापा र श्रीमती हरि थापाले आफ्नो ५१ औँ वैवाहिक वर्ष गाँठको अवसरमा पोखरा २५ मा रहेको मानव सेवा आश्रममा शनिबार सहयोग गरेका छन् ।

मानव सेवा आश्रमको निर्माणधीन भवनमा एक कोठा बनाउन थापा दम्पतिले ४ लाख सहयोग गरेका हुन् । कार्यक्रममा डाक्टर थापाले हरेक वैवाहिक वर्ष गाँठ र जन्म दिनमा मानव सेवा आश्रम र छोरेपाटनमा आश्रममा आश्रितहरुलाई भोजन गराउने प्रतिवद्धता व्यक्त गरे ।

मानव सेवा आश्रममा आश्रितहरुलाई थापा दम्पतिले भोजन समेत गराउनु भएको थियो ।कार्यक्रममा फेवासिटी हस्पिटलका सञ्चालक दिनेशबाबु खड्काले थापाले गरेको मानव सेवा उदाहरणीय रहेको र समाज सेवामा लाग्नेहरुका लागि थापा प्रेरणको स्रोत भएको बताए ।