प्रेस क्लब गण्डकीले शनिबार पोखरामा आयोजना गरेको पुरस्कार अर्पण समारोहमा बोल्दै उहाँले हामी सबैले लडेर ल्याएको लोकतन्त्र विरोधी कानुन बनाउन सम्भव नभएको बताउनुभएको हो । “कानुनको अभावमा धेरै बेथिति बढेका छन्,” उहाँले भन्नुभयो, “बेथितिलाई नियन्त्रण गर्नका लागि कानुन बनाउने हो, जनताको मौलिक अधिकार खोस्ने गरी कानुन बनाउन सम्भव छैन ।” सामाजिक सञ्जालमा सही भन्दा पनि गलत कुराहरू बढी प्रचार भइरहेको उहाँको भनाइ छ । गलत कुराहरूको प्रचार रोक्नका लागि कानुन आवश्यक भएको उहाँको भनाइ छ ।

सामाजिक सञ्जलमा देखिएको विकृति, विसङ्गतिलाई नियन्त्रण र नियमन गर्न आवश्यक देखिएको छ,” उहाँले भन्नुभयो, “त्यसमा देखिएको विकृतिलाई नियन्त्रण गर्न कानुन बनाउँदा व्यक्तिको अभिव्यक्ति स्वतन्त्रताको हनन हुँदैन ।” अहिलेको संसद पारदर्शी भएकाले सम्बन्धित सरोकार राख्नेहरूसँग पनि व्यापक रूपमा छलफल गरेर मात्र कानुन निर्माण गर्न संसद कटिबद्ध रहेको उहाँको भनाइ छ । उहाँले पत्रकारिता क्षेत्रको काम समाचार लेख्ने र सम्प्रेण गर्ने मात्र नभएर हामीले प्राप्त गरेको उपलब्धीको रक्षा गर्ने जिम्मेवारी पनि  भएको  औँल्याउनुभयो । उहाँले लोकतान्त्रिक प्रणालीमा प्रेस स्वतन्त्रतालाई अंकुश लगाउने गरी कानुन नबन्ने ठोकुवा गर्नुभयो ।

कार्यक्रममा नेकपा एमाले गण्डकी प्रदेश सभा संसदीय दलका नेता तथा पूर्वमन्त्री खगराज अधिकारीले लोकतन्त्र विरोधी गतिविधि बढीरहेकोले त्यसप्रति सचेत हुनुपर्ने बताउनुभयो । “स्वतन्त्रताको नाममा छाडातन्त्र चलिरहेको छ,” उहाँले भन्नुभयो, “सामाजिक सञ्जाल देखिएको बेथितिलाई नियन्त्रण गर्नुुपर्दछ ।” उहाँले पूर्वराज ज्ञनेन्द्र गण्न्तत्र विरोधी गतिविधिमा सक्रिय भएको आरोप लगाउनुभयो ।

कास्की क्षेत्र नम्बर ३ बाट निर्वाचित सांसद दामोदार पौडेल वैरागीले सामाजिक सञ्जाल प्रयोग तथा नियगमन गर्ने सम्बन्धमा बनेको विधेयक अभिव्यक्ति स्वतन्त्रता विरोधी नभएको जिकिर गर्नुभयो ।  प्रेस क्लब गण्डकीका अध्यक्ष एकराज गिरीको अध्यक्षमा भएको कार्यक्रममा पत्रकार कृष्णमणि बराललाई रुपियाँ ५० हजार, दोसल्ला र प्रमाणपत्रसहित प्रेस क्लब पत्रकारिता पुरस्कारबाट सभामुख देवराज घिमिरेले सम्मान गर्नुभएको थियो । पत्रकारिताको माध्यमबाट पर्या पर्यटन, वातावरण र गिद्ध संरक्षणमा योगदान पुर्‍याएको भन्दै पत्रकार बराललाई संस्थाले सम्मान गरेको हो । साभार गाेरखापत्र अनलाइन डटकम