काठमाडौं(नेपालय नेटवर्क) नेपाल प्रिमियर लिग(एनपिएल) मा लुम्बिनी लायन्सले विराटनगर किंग्सलाई १ सय ९२ रन को लक्ष्य दिएको छ । टस हारेर ब्याटिङको निम्तो पाएको लुम्बिनीले निर्धारित २० ओभरमा ७ विकेट गुमाएर १ सय ९१ रन बनाएको हो ।

लुम्बिनीका कप्तान रोहित पोडेलले ४६ रन, आशुतोष घिरैयाले १५ रन, अर्जुन साउदले १७ रन, सन्दीप जोराले १२, साद विन जाफरले १५ रन र विवेक यादवले १९ रनमा नट आउट रहे ।

विराटनगरका लागि इस्मात आलम, कप्तान सन्दीप लामिछाने र राजेश पुलामी मगरले समान १ विकेट लिए । आजै भएको पहिलो खेलमा काठमाडौं गुर्खाजले कर्णाली याक्समाथि ३ विकेटको जित निकालेको थियो ।