बागलुङ । बागलुङको ढुंगेखानीमा जिप दुर्घटना हुँदा एउटै वडाका ५ जनाको मृत्यु भएको छ । जैमिनी नगरपालिका–८ छिस्तीबाट बागलुङ बजार आउँदै गरेको ग २ च ९२४७ बिहान साढे ८ बजे दुर्घटना हुँदा चालकसहित पाँच जनाको मृत्यु भएको प्रहरीले बताएको छ ।

जिल्ला प्रहरी कार्यालका सूचना अधिकारी प्रहरी निरीक्षक केशव थापाका अनुसार मृत्यु हुनेमा जीपका चालक बागलुङ जैमिनी–८ छिस्ती केवइका ३८ वर्षीय महेन्द्र पुन, सोही ठाउँका २० वर्षीया रश्मी श्रीष, ५० वर्षीया नन्दकली पुन, १७ वर्षीय निरज श्रीष र ७५ वर्षीय कुलप्रसाद श्रीष रहेका छन् । जिप सडकबाट करिब ५ सय मिटर तल खसेको थापाले बताए ।

घाइते भएका सोही ठाउँका ४५ वर्षीय गंगबहादुर श्रीष शरीरको धवलागिरि अस्पतालमा उपचार भइरहेको छ । जिप के कारणले दुर्घटनामा पर्‍याे खुल्न सकेको छैन ।