काठमाडौं । क्रिकेटर सन्दीप लामिछानेले आज अमेरिका प्रस्थान गर्ने भएका छन् । उनलाई अमेरिकाले भिसा दिएपछि आज अमेकिार जान लागेको नेपाल क्रिकेट संघ (क्यान) ले एक सूचना प्रकाशित गरी जानकारी दिएको छ ।

नेपालले अमेरिकाबीच तीन खेलको टी–२० शृंखला आजदेखि सुरू भएको छ । पहिलो खेल नेपालले घरेलु टोली अमेरिकालाई १७ रनले पराजित गरेको छ । नेपाल, अमेरिका र स्कटल्यान्ड सम्मिलित विश्वकप लिग–२ शृंखला अक्टोबर २५ देखि नोभेम्बर ४ सम्म अमेरिकाको टेक्ससस्थित ग्रान्ड प्रेरी रंगशालामा हुँदैछ ।

यसअघि अमेरिकाले भिसा नदिएकै कारण सन्दीपले टी–२० विश्वकपको अमेरिकामा भएका खेलहरूमा सहभागी हुन पाएका थिएनन् ।